အကျင့်စရိုက်

အကျင့်စရိုက်

ဒါဟာ တစ်ကယ်ဖြစ်ပျက်ခဲ့ဖူးတဲ့ ပုံပြင်တစ်ပုဒ်ဖြစ်တယ်။

လူသားမိန်းကလေးတစ်ယောက်ကို လူတွေ ရှာတွေ့ခဲ့ချိန်မှာ သူဟာ လူတွေလို ခြေထောက်နှစ်ချောင်းနဲ့ မတ်တပ်မရပ်တတ်ဘဲ ၀ံပုလွေတစ်ကောင်လို လေးဖက်ထောက်ပဲ သွားတတ်ခဲ့တယ်။ “လူစကား” ကိုလည်း တစ်ခွန်းမှ မပြောတတ်ခဲ့ဘဲ ၀ံပုလွေလိုပဲ အူတတ်ခဲ့တယ်။ တတ်ကျွမ်းသူ ပညာရှင်တွေရဲ့ ခန့်မှန်းချက်အရ သူဟာ ၁၂နှစ် အရွယ်ဖြစ်တယ်။

ဖြစ်ပုံက သူဟာ မွေးဖွားပြီးစ ကလေးအရွယ်ကတည်းက တောနက်ထဲ အစွန့်ပစ်ခံခဲ့ရတယ်။ သူ့ကို ၀ံပုလွေတစ်ကောင်ကတွေ့ပြီး ၀ံပုလွေစရိုက်အတိုင်း ကျွေးမွေးခဲ့လို့ အခုလို ၀ံပုလွေတစ်ပိုင်း မိန်းမရိုင်းဖြစ်ခဲ့ရတယ်။

ဒါဟာ လူ့လောကရဲ့ ၀မ်းနည်းစရာ အဖြစ်တစ်ခုပါ။ “လူသား” ဖြစ်တဲ့သူဟာ ၀ံပုလွေကြားမှာ ကြီးပြင်းခဲ့ရပြီး သူမြင်သမျှ၊ သင်ယူသမျှဟာလည်း ၀ံပုလွေစရိုက်ပဲဖြစ်ခဲ့ရတယ်။ ဒါပေမယ့် သူဟာ “လူသား” တစ်ဦးပဲ မဟုတ်လား? သူဟာ မွေးဖွားလာကတည်းက ၀ံပုလွေတစ်ကောင် မဟုတ်ခဲ့ပါဘူး။

တကယ်လို့သူဟာ လူသားတွေကြားမှာ ကြီးပြင်းလာခဲ့ရရင် ဒီပုံပြင်မှာ “သူဘ၀ဟာ အဆင့်အတန်း တစ်ခုမှာရှိမယ်။ ရုပ်ရည်ရှိမယ်။ ပျော်စရာကောင်းတဲ့ မိသားစုနဲ့အတူနေရမယ်။ လူရယ်လို့ဖြစ်ခဲ့ရင် မိဘမေတ္တာရဲ့ နွေးထွေးမှုအောက်မှာ သူ့ရဲ့နေ့ရက်တွေက သာယာချမ်းမြေ့စွာနဲ့ ဖြတ်ကျော်နေရတယ်” လို့ ပြောင်းသွားနိုင်တယ်။

ဒါပေမယ့် ထူးဆန်းတဲ့ အဖြစ်တစ်ခုက တကယ်ဖြစ်ပျက်ခဲ့ပါတယ်။

စစချင်းမှာ အဲဒီကောင်မလေးရဲ့ မျက်လုံးတွေဟာ သားရဲရဲ့ မျက်လုံးအတိုင်း စူးရှတယ်။ ၀ံပုလွေလိုပဲ တ၀ူးဝူးနဲ့ အော်နေတတ်တယ်။ ဒါပေမယ့် လူ့ပတ်ဝန်းကျင်ကို ရောက်လာတော့ ၀ံပုလွေလို သိပ်မအော်တော့ဘဲ ခြေနှစ်ချောင်းနဲ့ တဖြေးဖြေး ရပ်နိုင်ဖို့၊ သွားလာတတ်ဖို့ သင်ယူခဲ့တယ်။ လူတွေရဲ့နွေးထွေးတဲ့ အပြုံး၊ နူးညံ့တဲ့ အကြင်နာကြားမှာ သူ့ရဲ့ရိုင်းစိုင်းတဲ့ အပြုအမှုတွေက တဖြေးဖြေး သိမ်မွေ့လာခဲ့သလို ပြုံးတတ်လာခဲ့တယ်။ ဒါဟာ “ပတ်ဝန်းကျင်” နဲ့ “အကျင့်စရိုက်”ကို သက်ရောက်စေတဲ့ အကောင်းဆုံး ဥပမာဖြစ်တယ်။

မကောင်းတဲ့ အကျင့်စရိုက်နဲ့ ကိုယ့်ကိုယ်ကို လူရိုင်းတစ်ယောက်အဖြစ် ပုံသွင်းနေမိပြီလား?
ကိုယ့်ရဲ့စိတ်ကို မှောင်မည်းတဲ့တောနက်ထဲ လှောင်ပိတ်ထားမိပြီလား?
ကိုယ့်ကံကြမ္မာကို ရက်စက်တဲ့ နယ်နမိတ်ထဲ အရောက်တွန်းပို့နေမိပြီလား?

ဆေးလိပ်သောက်လို့ နီကိုတင်း အဆိပ်တက်တယ်။ အရက်သောက်လို့ အသည်းကျွမ်းတယ်။ ဒါတွေဟာ လိုတာထက် ပိုသုံးစွဲလို့ဖြစ်တဲ့အတွက် ငါကံခေလိုက်တာ၊ ငါသက်ဆိုးမရှည်ပါလားလို့ ငိုညည်းနေစရာ မလိုဘူး။ ဒါတွေဟာ “အလေ့အထ၊ အကျင့်” ကြောင့် ဖြစ်လာတဲ့ ဆိုးကျိုးတွေပါ။

လူ့ဘ၀က အမြဲမဖြောင့်ဖြူးပါဘူး။ ဒါပေမယ့် တချို့လူတွေက ကံမကောင်းခြင်းတွေနဲ့ အမြဲရေစက်ဆုံ နေတတ်တယ်။ ဒုက္ခဆိုရင် သူ့အတွက် အမြဲဝေစုရှိနေသလိုပဲ။ အထင်အမြင်တွေ လွဲမှားပြီး အစွပ်စွဲ ခံနေရတတ်တယ်။ ဒါတွေဟာ ကံနဲ့မဆိုင်သလို ဘုရားသခင်က အပြစ်ပေးနေတာလဲ မဟုတ်ဘူး။ ဒါတွေဟာ နည်းမမှန်တဲ့ အကျင့်၊ အလေ့အထနဲ့ ပြဿနာကို ဖြေရှင်းခဲ့လို့ဖြစ်တယ်။

ကံဆိုးခြင်း၊ ကံကောင်းခြင်းဆိုတာ နေ့စဉ် ကိုယ်ဖြစ်ပျက်နေတဲ့အဖြစ်ကို အကောင်းဖက်တွေးတောမလား၊ အဆိုးဖက်တွေးတောမလား စတဲ့ ကိုယ့်ရဲ့တွေးတောမှု အလေ့အထနဲ့ ဆိုင်သလို၊ အရာတစ်ခု သို့မဟုတ် လူတစ်ဦးကို ဘယ်လို ပြုမှုဆက်ဆံမလဲဆိုတဲ့ ကိုယ့်ရဲ့စိတ်အလေ့အထနဲ့လည်း ဆိုင်တယ်။

ကံကောင်းတဲ့ လူတစ်ဦးဖြစ်ချင်ရင် ကောင်းတဲ့အကျင့်တွေကို မွေးမြူပါ။ ကောင်းတဲ့ အကျင့်တွေကို မွေးမြူဖို့ရာ မခက်ပါဘူး။
ဥပမာ-
အကောင်းမြင်မယ်၊ အကောင်းဖက်ကို တွေးတောမယ်။
ကိုယ့်စိတ်ကို ၀ံပုလွေတွေရဲ့ မည်းမှောင်တဲ့တောနက်မှာ လှောင်ပိတ်မထားဘဲ ရင်ကိုစွင့်ပြီး စိတ်ပြတင်းပေါက်ကို ဖွင့်လိုက်မယ်။ ၀ံပုလွေလို ရိုင်းစိုင်းတဲ့ အကြည့်တွေနဲ့ တစ်ဖက်သားကို လွဲမှားတဲ့ အထင်အမြင်နဲ့ မကြည့်ဘူး။ ကိုယ့်စိတ်ကို နေရောင်ခြည်တွေ ပက်ဖြန်းထားတဲ့ လှပတဲ့တောအုပ်ထဲ ရောက်နေသလို မေတ္တာ၊ အကြင်နာအပြည့်နဲ့ နွေးထွေးစေမယ်။

ကောင်းတဲ့ အကျင့်၊ ကောင်းတဲ့အလေ့အထကို စုပ်ယူခြင်းဖြင့် ကောင်းတဲ့ကံတွေက ကိုယ့်စီရောက်လာပါလိမ့်မယ်။ ကံကောင်းခြင်းတွေကို ပိုင်ဆိုင်နိုင်ကြပါစေ။