အမျိုးသားတွေရဲ့ ကျန်းမာရေးနဲ့ ပတ်သက်လို့ အမျိုးသားတွေ ကိုယ်တိုင် လွဲမှားလက်ခံထားတဲ့ အယူအဆအလွဲတွေ အများကြီး ရှိပါတယ်။ အဲဒီအထဲကမှ အမျိုးသားတိုင်း အမှတ်အမှားဆုံး အယူအဆ (၁၂) ချက်ကို ဆေးသိပ္ပံပညာရှင်များက စစ်တမ်းများစွာ ပြုလုပ်ပြီး တွေ့ရှိထားပါတယ်။ ဒီအယူအဆ အလွဲတွေရဲ့ လောင်းရိပ်ကနေ သင်ကော လွတ်ကင်းရဲ့လား ဆိုတာ အောက်ပါ မေးခွန်း (၁၂) ခုကို မှား/မှန် ဖြေကြည့်ရင်း ဆန်းစစ်ကြည့်နိုင်ပါတယ်။ ဆေးပညာရှင်တွေရဲ့ သိပ္ပံနည်းကျ အဖြေများကိုတော့ မေးခွန်းတွေ အဆုံးမှာ ဖော်ပြပေးထားပါတယ်။

(၁) ဦးထုပ် ပုံမှန်ဆောင်းခြင်း၊ Dryer ခေါ် ဆံပင်အခြောက်ခံစက် သုံးခြင်းသည် ဆံပင်ပါး၍ ထိပ်ပြောင်ခြင်းကို ဖြစ်စေသည်။
မှား ( ) မှန် ( )

(၂) အတွင်းခံဘောင်းဘီ စွဲစွဲမြဲမြဲ ၀တ်ခြင်းသည် ဖိုမျိုးပွားဆဲလ် ဖြစ်သော သုက်ကောင် အရေအတွက်ကို ကျဆင်းစေသည်။
မှား ( ) မှန် ( )

(၃) မုတ်ဆိတ်မွေးများသည် ရိပ်လေလေ ထူလာလေလေ ဖြစ်သည်။
မှား ( ) မှန် ( )

(၄) ဖိနပ်ဆိုက် ကြီးလေလေ (ခြေထောက် အရွယ်အစား ကြီးလေလေ) အမျိုးသားအင်္ဂါ ကြီးလေလေ ဖြစ်သည်။
မှား ( ) မှန် ( )

(၅) အမျိုးသား တစ်ယောက်၏ လိင်ပိုင်းဆိုင်ရာ စွမ်းရည်သည် အသက် ၁၈ နှစ် ပတ်ဝန်းကျင်၌ အမြင့်ဆုံး ဖြစ်သည်။
မှား ( ) မှန် ( )

(၆) အနာမခံလျှင် အသာမစံရ။ ပြင်းထန် ပင်ပန်းစွာသော ကိုယ်လက်လှုပ်ရှားမှုများမှ အကျိုးရှိသည်။
မှား ( ) မှန် ( )

(၇) အမျိုးသားများတွင် သေပျောက်မှု အများဆုံး ကင်ဆာသည် ဆီးကျိတ်ကင်ဆာ ဖြစ်သည်။
မှား ( ) မှန် ( )

(၈) အမျိုးသားများသည် ရင်သားကင်ဆာ မဖြစ်နိုင်။
မှား ( ) မှန် ( )

(၉) အမျိုးသားများသည် အရိုးပါးရောဂါ (Osteoporosis) ဖြစ်မလာနိုင်။
မှား ( ) မှန် ( )

(၁၀) အမျိုးသား လိင်အင်္ဂါသည် ကျိုးနိုင်၏။
မှား ( ) မှန် ( )

(၁၁) ဘီယာသောက်ခြင်းသည် ဘီယာဗိုက်ခေါ် ဗိုက်ပူခြင်းကို ဖြစ်စေသည်။
မှား ( ) မှန် ( )

(၁၂) မီးကင်ထားသော အစားအစာများတွင် ကင်ဆာရောဂါ ဖြစ်နိုင်စွမ်းကို တိုးမြှင့်ပေးသော အရာများ ပါဝင်နေသည်။
မှား ( ) မှန် ( )

အဖြေများ
အောက်ပါ အဖြေမှန်များနဲ့ သင့်ရဲ့ ယူဆချက်များကို တိုက်ဆိုင်စစ်ဆေးကြည့်ပါ။ မှန်နေရင် သင်သိထားတဲ့ ဗဟုသုတ၊ သင်တွေးထားတဲ့ အတွေးတွေဟာ ကျန်းမာရေးနဲ့ ညီညွတ်နေလို့ ပျော်စရာ ဖြစ်သလို လွဲနေရင်လည်း အယူအဆမှားကို ပစ်ချကာ အမှန်ကို စွဲမှတ်သွားနိုင်ပါလိမ့်မယ်။



(၁) မှား
ဦးထုပ် ပုံမှန်ဆောင်းခြင်း၊ Dryer ခေါ် ဆံပင်အခြောက်ခံစက် သုံးခြင်းဟာ ဆံပင်ပါးပြီး ထိပ်ပြောင်ခြင်းကို ဖြစ်စေတယ် ဆိုတဲ့ အချက်အတွက် ခိုင်မာတဲ့ သက်သေ လုံးဝမရှိပါဘူး။ အမျိုးသားတွေ ထိပ်ပြောင်ရခြင်းဟာ ဆံပင်တွင်းပေါက်လေးများ တဖြည်းဖြည်းနဲ့ သေးငယ်လာပြီး ထွက်တဲ့ ဆံပင်တွေကလည်း လိုက်သေးကာ တိုလာပြီး နောက်ဆုံး ဆံပင် မထွက်တော့လို့ ဖြစ်ရတာ ဖြစ်ပါတယ်။ ဒါဟာ အသက်အရွယ်အရ ဖြစ်လာတဲ့ ဟော်မုန်းနဲ့ အာဟာရ ချို့တဲ့မှုတွေနဲ့သာ ဆိုင်တယ်လို့ တွေ့ရှိထားရပါတယ်။



(၂) မှား
အမျိုးသားတွေ အတွက် အချိန်ကြာမြင့်စွာ အပူချိန်မြင့်မြင့်နဲ့ တင်ပဆုံပိုင်း ထိတွေ့နေခြင်းဟာ သားသမီး ရနိုင်ရေးမှာ အရေးပါတဲ့ သုက်ကောင် အရေအတွက်ကို လျော့နည်းစေနိုင်ပေမယ့် အတွင်းခံဘောင်းဘီ စွဲစွဲမြဲမြဲ ၀တ်ဆင်ရုံနဲ့ ဒီလို ထိခိုက်မှုမျိုး မရှိနိုင်ဘူးလို့ တွေ့ရှိထားရပါတယ်။



(၃) မှား
မယုံချင်စရာ အဖြေပါပဲ။ အမွေးဆိုတာ ရိတ်လေ သန်လေ ဆိုတဲ့ ကောက်ချက်ကို ကျွန်တော်တို့ အားလုံး တူညီစွာ လက်ခံထားကြပါတယ်။ ဒါပေမဲ့ တကယ်တမ်းကတော့ ဆံပင် အပါအ၀င် ခန္ဓာကိုယ်က အမွေးတွေရဲ့ အလုံးအကြီးအသေးနဲ့ အနုအကြမ်းကို သက်ဆိုင်ရာ မွေးညှင်းပေါက်တွေရဲ့ အရွယ်အစားနဲ့ ပုံသဏ္ဍာန်က အဆုံးအဖြတ်ပေးပါ သတဲ့။ မွေးညှင်းပေါက်ကြီးရင် ဆံလုံးကြီးမယ်၊ သေးရင် ဆံလုံး သေးမယ်၊ မွေးညှင်းပေါက်ရဲ့ ပုံစံက မညီညာရင် ထွက်တဲ့ အမွေးက ကောက်မယ်၊ ညီညာရင် ဖြောင့်စင်းမယ်လို့ ဆိုလိုချင်တာ ဖြစ်ပါတယ်။ ခဏခဏ ရိတ်ပေးခြင်းဟာ မုတ်ဆိတ်မွေးတွေရဲ့ မွေးညှင်းပေါက်တွေရဲ့ အရွယ်နဲ့ ညီညာမှုအပေါ် သက်ရောက်မှု မရှိလို့ အဖြေမှားတယ်လို့ ပြောရတာ ဖြစ်ပါတယ်။ ဒါပေမဲ့ အမွေးကို မကြာခဏဖြတ်ပေးခြင်းဟာ ရှည်ထွက်ခြင်းကို အနည်းငယ် အားပေးပေမယ့် အမွေးဆိုတာ ဆဲလ်အသေတွေ စုပေါင်းပြီး ဖြစ်လာရတာမို့ ဆဲလ်သေနှုန်း ကသာ အမွေးတွေ အရှည်မြန်ခြင်း မမြန်ခြင်းကို ပြဌာန်းတာ ဖြစ်ပါတယ်။



(၄) မှား
ဒီလို ပြုံးစရာ ကောင်းတဲ့ အယူအဆမှားဟာ လူအတော်များများမှာ ရှိနေတာ တွေ့ရပါတယ်။ အင်္ဂလန်နိုင်ငံ လန်ဒန်မြို့၊ စိန့်မေရီ ဆေးရုံက ဆီးနဲ့ ကျောက်ကပ်ဆိုင်ရာ အထူးကုဆရာဝန် နှစ်ဦးက ဒီကိစ္စရဲ့ အဖြေကို အမျိုးသားများ အပေါ် သုတေသန မှတ်တမ်းပြုစုပြီး ရှာဖွေခဲ့ရာမှာ ဒီနှစ်ခုဟာ တိကျသော ဆက်စပ်မှု မရှိတာကို တွေ့ရှိခဲ့ရပါတယ်။



(၅) မှန်
အမျိုးသား တစ်ယောက်ရဲ့ လိင်ပိုင်းဆိုင်ရာ စွမ်းရည်ဟာ အသက် ၁၈ နှစ် ပတ်ဝန်းကျင်မှာ အမြင့်ဆုံး ဆိုတဲ့ အချက်ဟာ တကယ်မှန်ပါတယ်။ အမျိုးသား မျိုးပွားဟော်မုန်း တက်စတိုစတီရုန်း (Testosterone) ဟာ အဲဒီအသက်လောက်မှာသာ အမြင့်ဆုံး ပမာဏကို ရောက်ရှိပြီး အသက် ၂၀ ကျော်ရင် မသိမသာ စကျပါတယ်။ တက်စတိုစတီရုန်းရဲ့ အာနိသင်ကြောင့် အဲဒီအရွယ် ကောင်လေးတွေမှာ ကောင်းတဲ့ဖက်က ကြည့်ရင် စွန့်စားလိုစိတ်၊ မကောင်းတဲ့ ဖက်က ကြည့်ရင် မိုက်ရူးရဲ ဆန်စိတ်၊ တလွဲမာနစိတ်တွေ အများဆုံး ဖြစ်နေတတ်တာ ဖြစ်ပါတယ်။ ဒါပေမဲ့ ဒါဟာ ဟော်မုန်းသဘောအရသာ ပြောတာ ဖြစ်ပြီး လိင်ပိုင်းဆိုင်ရာ အတွေ့အကြုံနဲ့ ခန္ဓာကိုယ် ကြံ့ခိုင်မှုက အသက် ၂၀ ကျော်ကနေ ၄၀ ကြား အမျိုးသားတွေလောက် မကောင်းသေးလို့ စွမ်းရည်သာ အမြင့်ဆုံး ဖြစ်ပြီး စွမ်းဆောင်မှုကတော့ အမြင့်ဆုံး ဖြစ်မလာနိုင်ပါဘူး။



(၆) မှား
ကိုယ်ခန္ဓာ ကြံ့ခိုင်မှု လေ့ကျင့်ခြင်းရဲ့ သဘောမှာ အနာခံခြင်း ဆီကနေ ဘာအသာမှ ရစရာ မရှိပါဘူးတဲ့။ နာကျင်တဲ့ ခံစားမှု ရောက်အောင်၊ ကျော်လွန်သွားအောင် လေ့ကျင့်မယ်ဆိုရင် ဒဏ်ဖြစ်ခြင်းကိုပဲ ဦးတည်ပြီး ကြံ့ခိုင်ကျန်းမာမှု အကျိုး တစ်စုံတစ်ရာ သင်မရနိုင်ပါဘူးလို့ ကာယပညာရှင်များက ဆိုပါတယ်။



(၇) မှား
လက်ရှိ ကမ္ဘာတစ်လွှား အမျိုးသားများ သေဆုံးမှု အများဆုံးကင်ဆာဟာ ဆီးကျိတ်ကင်ဆာ မဟုတ်ပါဘူး။ ဆေးလိပ်သောက်ခြင်းကြောင့် အဓိကဖြစ်ရတဲ့ အဆုတ်ကင်ဆာပဲ ဖြစ်ပါတယ်။ အမေရိကန်လို အမျိုးသမီးတွေပါ ဆေးလိပ်သောက်တဲ့ အလေ့ရှိတဲ့ နိုင်ငံမှာဆို အမျိုးသမီးတွေမှာပါ အဆုတ်ကင်ဆာဟာ အသေအပျောက်အများဆုံး ကင်ဆာတွေထဲက နံပါတ်တစ် ဖြစ်နေတာ တွေ့ရပါတယ်။ ကိုယ်တိုင်မသောက်ပေမယ့် သူများသောက်တဲ့ ဆေးလိပ်ငွေ့ ရှူမိခြင်း (Passive Smoking) ကြောင့်လည်း ပါပါတယ်။ ဘယ်လိုပဲ ဖြစ်ဖြစ် ပျမ်းမျှ အမျိုးသား ၃၆ ဦးမှာ တစ်ဦးသာ သေဆုံးစေတဲ့ ဆီးကျိတ်ကင်ဆာဟာ အမျိုးသားတွေ အသက်ကို အခြိမ်းခြောက်ဆုံး ကင်ဆာရောဂါ မဟုတ်သေးဘူး ဆိုတာပါပဲ။



(၈) မှား
ရင်သားကင်ဆာဟာ အမျိုးသမီးတွေမှာပဲ အဖြစ်များပေမယ့် ရှားရှားပါးပါး အနေနဲ့ အမျိုးသားတွေလည်း ခံစားရနိုင်တယ် ဆိုတာ သိထားသင့်ပါတယ်။ အမျိုးသားတွေ အသက်ကြီးလာရင် အယောက် ၁၀၀၀ မှာ တစ်ယောက် ဖြစ်နိုင်တယ်လို့ စစ်တမ်းများအရ သိရပါတယ်။ မိသားစု မျိုးရိုး ထဲမှာ (အမျိုးသားဖြစ်စေ အမျိုးသမီးဖြစ်စေ) ရင်သားကင်ဆာ ဖြစ်ဖူးသူ ပါခြင်း၊ မျိုးရိုးဗီဇ အရ အမျိုးသား ဖြစ်ပေမယ့် အမျိုးသမီးဟော်မုန်း အီစထရိုဂျင် (Estrogen) ပမာဏ သွေးထဲမှာ များနေခြင်း၊ နာတာရှည် အသည်းရောဂါ တစ်ခုခု ရှိခြင်း၊ အရက်အလွန်အကျွံ သောက်ခြင်းနဲ့ အ၀လွန်ခြင်း စတဲ့ အချက်တွေ တစ်ချက်ချက် ရှိရင် အမျိုးသားပေမယ့် ရင်သားကင်ဆာ ဖြစ်နိုင်ပါတယ်။



(၉) မှား
အရိုးပါးရောဂါ (Osteoporosis) ဆိုတာ ခန္ဓာကိုယ်ကို ပုံဖော် ထောက်ကန် ပေးထားတဲ့ အရိုးငြမ်းအဖွဲ့အစည်းရဲ့ အရိုးတွေ ကျစ်လျစ်သိပ်သည်းမှု အားနည်းလာပြီး တော်ရုံတန်ရုံ ထိခိုက်မှုမျိုးနဲ့ ကျိုးလွယ်တဲ့ အနေအထား ရှိနေခြင်းကို ခေါ်တာဖြစ်ပါတယ်။ အဖြစ်အများဆုံး အကြောင်းရင်းကတော့ နေ့စဉ်စားတဲ့ အစားအသောက်ထဲမှာ ခန္ဓာကိုယ်က လိုအပ်တဲ့ ကယ်လ်စီယမ်နဲ့ အခြား သတ္တုဓာတ်များ၊ ဗိုက်တာမင် D စတဲ့ အရိုးအတွက် အဓိက လိုအပ်တဲ့ အာဟာရတွေ ချို့တဲ့လို့ပဲ ဖြစ်ပါတယ်။
အမျိုးသမီးတွေအတွက် အရိုးရဲ့ ကြံ့ခိုင်မှုကို ထိန်းသိမ်းပေးထားတာဟာ မဟော်မုန်း အီစထရိုဂျင် ဖြစ်ပါတယ်။ သွေးဆုံးချိန် ဒီဟော်မုန်းရဲ့ သွေးတွင်းပမာဏ ကျဆင်းသွားခြင်းဟာ အမျိုးသားတွေ အသက်ကြီးချိန် တက်စတိုစတီရုန်း ကျလာတာထက် အများကြီး ပြင်းထန်လို့ အမျိုးသမီးတွေက အမျိုးသားတွေထက် အရိုးပါးခြင်း၊ ပွခြင်း ပိုဖြစ်ပေမယ့် အမျိုးသားတွေက လုံးဝမဖြစ်နိုင်ဘူးလို့ မဆိုလိုပါ။ သွေးဆုံးခြင်း မကြုံရသလို အရိုးတွေရဲ့ အရွယ်အစား ပိုကြီးတာမို့ အရိုးပါးဝေဒနာကို အမျိုးသားတွေက အမျိုးသမီးတွေလောက် မခံစားရပေမယ့် ပုံမှန်ထက် တက်စတိုစတီရုန်း ပမာဏ နည်းသူတွေ၊ အရက်သောက်သူတွေ၊ ဆေးလိပ်သောက်သူတွေ၊ အစာအိမ်နဲ့ အူလမ်းကြောင်း ရောဂါ တစ်ခုခု ရှိနေလို့ အာာရ စုပ်ယူမှု မကောင်းသူတွေ၊ ရောဂါတစ်ခုခု ရှိလို့ စတီးရွိုက်ဆေးတွေ စွဲသောက်နေရသူတွေ၊ ကိုယ်လက်အင်္ဂါ ချို့ယွင်းမှု တစ်ခုခု ရှိလို့ လှုပ်ရှားသွားလာခြင်း မပြုနိုင်သူတွေဟာ အရိုးပါးရောဂါ ခံစားရဖို့ အထူးနီးစပ်ပါတယ်။



(၁၀) မှန်
အမျိုးသား အင်္ဂါ အတွင်းမှာ အရိုးမပါပေမယ့် လိင်စိတ် နိုးကြွမှု ရှိချိန်မှာ အင်္ဂါ မာတောင့်အောင် ဆွဲဆန့်ပေးရတဲ့ tunica albuginea လို့ ခေါ်တဲ့ အမျှင်တစ်သျှူးအလွှာ ပြဲသွားရင် ကျိုးသလိုဖြစ်သွားစေပါတယ်။ ဒါကို လိင်တံကျိုးခြင်း (penile fracture) လို့ ခေါ်ပါတယ်။ မတော်တဆ ထိခိုက်မိခြင်း (သို့) အင်္ဂါကိုလှန်ချိုးသလို ဖြစ်သွားစေတဲ့ လိင်ဆက်ဆံမှုမျိုးကြောင့် ဖြစ်တတ်ပါတယ်။ များသောအားဖြင့် ခွဲစိတ်ကုသမှု ခံယူရပါတယ်။ ဖြစ်တောင့် ဖြစ်ခဲ ကိစ္စမျိုးမို့ သိပ်တော့ ကြောက်စရာ မလိုပါဘူး။



(၁၁) မှန်
ပိုလျှံလာတဲ့ ကယ်လိုရီတွေဟာ အဆီတွေ အဖြစ် ၀မ်းဗိုက်မှာ စုမှာမို့ ဘီယာသောက်ရင် ဘီယာဗိုက် ဖြစ်လာမယ် ဆိုတာ အမှန်တရားပါပဲ။ ဘီယာနဲ့ အရက်တွေဟာ ကယ်လိုရီ မြင့်မားလို့ အလွန်အကျွံ သောက်ရင် ကိုယ်မှာ အဆီတွေ များလာစေသလို သောက်တဲ့ အချိန်မှာ အစားအသောက်တွေ မဆင်မခြင် စားဖြစ်တဲ့ အတွက်လည်း ဗိုက်ရွှဲ လာနိုင်ပါတယ်။ ဘီယာထဲမှာ တဆေးခေါ် yeast ပါဝင်ပြီး ၄င်းဟာ အူနဲ့ ၀မ်းတွင်းကလီစာတွေကို ကြီးလာစေတဲ့ အစွမ်း အနည်းငယ် ရှိလို့ ဘီယာ ရေရှည် သောက်သူ တစ်ယောက်ဟာ အားကစားသမား ဖြစ်လို့ ဗိုက်အဆီ မများရင်တောင် ဗိုက်ကတော့ ပူလာမှာပဲ ဖြစ်ပါတယ်။



(၁၂) မှန်
အသားကင် မျိုးစုံကို အမျိုးသားတိုင်းလိုလို ကြိုက်နှစ်သက်ကြပါတယ်။ အသားကင် တိုင်းမှာ ကင်ဆာရောဂါ ဖြစ်စေတဲ့ ဒြပ်ပေါင်း အမျိုးအစား နှစ်မျိုး တွေ့နိုင်တာမို့ သတိပြု စရာပါပဲ။ တစ်ခုက PAHs လို့ အတိုကောက် ခေါ်တဲ့ Polycyclic Aromatic Hydrocarbons အမျိုးအစား ဓာတုဒြပ်ပေါင်းတွေ ဖြစ်ပြီး နောက်တစ်မျိုးကတော့ HCAs လို့ အတိုကောက် ခေါ်တဲ့ Heterocyclic Amines တွေ ဖြစ်ပါတယ်။ အသားတွေထဲက အဆီတွေ၊ အရည်တွေ မီးထဲကျသွားရင် ဖြစ်ပေါ်လာတဲ့ မီးတောက်နဲ့ မီးခိုးငွေ့တွေမှာ PAHs တွေ ပါလာစေပြီး အသားရဲ့ မျက်နှာပြင်ပေါ်မှာ ကပ်ငြိသွားစေပါတယ်။ အသားတွေမှာ အဓိက ဖွဲ့စည်းမှု ပစ္စည်းဖြစ်တဲ့ အမိုင်နိုအက်ဆစ်တွေ၊ အပေါ်က လိမ်းကျန်ထားတဲ့ ကစီဓာတ်ပါတဲ့ အရည်တွေ၊ အသားထဲက Creatine ဆိုတဲ့ ပစ္စည်းတစ်မျိုးရယ်၊ မီးတောက်ရဲ့ မြင့်မားတဲ့ အပူချိန်ရယ် အားလုံး ပေါင်းစပ်ပြီး HCAs တွေ ဖြစ်လာစေပါတယ်။ ဒီဒြပ်ပေါင်းများဟာ အစာရေမျို၊ အစာအိမ်၊ အူမကြီး စတဲ့ အစာလမ်းကြောင်း တောက်လျောက်မှာ ကင်ဆာ ဖြစ်စေဖို့ အထူးအားပေးပါတယ်။ အကင်ကို တို့စားတဲ့ ဆော့စ်ထဲမှာ ဆိုးဆေးတွေပါ ပါလို့ကတော့ ကင်ဆာဖြစ်ဖို့ အဆင်းဘီးတပ်ပေးသလို ပါပဲ။ ဒီနေရာမှာ တစ်ခု ပြောလိုတာက အသားကင်တွေဟာ အဆိုးဆုံးဖြစ်သလို အသီးအရွက်ကင်တွေဟာလည်း အန္တရာယ် အနည်းငယ်စီ ရှိကြတယ် ဆိုတာပါပဲ။

ဒါကြောင့် အကင်မျိုးစုံ စားကြရင် ကင်ဆာအန္တရာယ်ကို အတိုင်းအတာ တစ်ခု အထိ လျှော့ချနိုင်တဲ့ နည်းလမ်းများကို ဖော်ပြပေးလိုက်ပါတယ်။ အကောင်းဆုံး နည်းတစ်ခုက သတ္တုအပါးပြား တစ်ခုခုကို ကင်မယ့်အသား လုံအောင် ထုတ်ပြီး ကင်တာ ဖြစ်ပါတယ်။ စားသောက်ဆိုင်တွေမှာ ခေါ်နေကြတဲ့ ခဲပတ် ဆိုတာကို ပြောတာ ဖြစ်ပါတယ်။ ဒါမျိုးသုံးရင် PAHs တွေ ဖြစ်ပေါ်ခြင်းကို အတော်လေး တားနိုင်တယ်လို့ သိရပါတယ်။ ကြိုချက်ပြုတ်ပြီးသား အသားတွေကို ကင်တာဟာလည်း ကင်တဲ့ အချိန် တိုသွားစေလို့ ကင်ဆာဖြစ်နိုင်စွမ်း လျှော့ချနိုင်ပါတယ်။ HCAs ဒြပ်ပေါင်းတွေဟာ တူးပြီး မီးခိုးရိုက်တဲ့ နေရာတွေ၊ အကျက်လွန်တဲ့ နေရာတွေမှာ အများဆုံး တည်ရှိနေလို့ ဒီလို နေရာတွေကို ဖယ်စားရင် သင့်ကျန်းမာရေးကို ဂရုစိုက်ရာ ရောက်စေပါတယ်။
အသားတွေ မချက်ခင် အထူးသဖြင့် မကင်ခင်မှာ ဆီနဲ့ အရသာ အမွှေးနံ့ ပေးတဲ့ ဖြည့်စွက်ပစ္စည်းတွေပါတဲ့ marinade ခေါ် အရောအနှော အရည်နဲ့ အချိန်အကြာကြီး နှပ်ထားခြင်းဟာလည်း ကင်ဆာဒြပ်ပေါင်းတွေ ဖြစ်ပေါ်ခြင်းကို အတိုင်းအတာ တစ်ခုအထိ ဟန့်တားနိုင်တယ်လို့ အာဟာရ ပညာရှင်များက ဆိုပါတယ်။ တော်ရိလျော်ရိ ဆီ၊ဆား၊ အချိုမှုန့်လောက်နဲ့ နှပ်တာ မဟုတ်ဘဲ ၀ိုင်၊ ရှာလကာရည်၊ မဆလာ၊ ဒိန်ချဉ်ရေကြည်၊ အချို့သော အပင်ထွက် ပစ္စည်းတွေ (ဥပမာ ခရမ်းချဉ်သီးဆော့စ်၊ သံပုရာရည်) စသဖြင့် နေရာဒေသ လူမျိုးအသီးသီးအလိုက် သုံးကြတဲ့ အာဟာရ တန်ဖိုးမြင့် marinade တွေနဲ့ နှပ်ပြီးမှ ကင်စားနိုင်ရင် အသင့်တော်ဆုံးပါပဲ။
ဒေါက်တာ သီဟသစ်

MM Daily news မှ........

နင်တစ်ယောက်တည်း င့ါအချစ်တွေကို....
အပိုင်သိမ်းထားလို့ ဘယ်ဖြစ်မလဲ
နင်ရှေ့ကစီနီယာတွေကို ကျော်တက်ရဲလို့လား.....
ငယ်ပါသေးတယ်.... ခလေးရယ် ပုခက်ထဲပြန်
အိပ်နေလိုက်ဦး...အလှည့်ရောက်ရင်နှိုးမယ် .........

Jummy ရဲ့ ၁၂ ရာသီခွင်စကားလုံးလေးများ

နေ့တိုင်း
အလုပ်တွေများပင်ပန်းပြီး ကိုယ့်နဂိုကိုမေ့နေခဲ့ပြီလား? စိတ်ကူးအိပ်မက်နဲ့
ဝေးသထက်ဝေးလာတဲ့အခါ ဒီရိုးရှင်းတဲ့စာသားလေးတွေက ကျွန်တော်တို့ရဲ့
အပြန်လမ်းကို ရှာပေးပါလိမ့်မယ်။

(၁) Aries (မိဿရာသီ)

"မိုးချုပ်တော့မယ်။ နေရဲ့နောက်ဆုံးအလင်းတန်းလေး ပျောက်ကွယ်တော့မယ်။
အဲဒီဘောလုံးပွဲမှာ ငါတို့ရှုံးနိမ့်ခဲ့တယ်။
အားလုံးက ကြေကြေကွဲကွဲခေါင်းငိုက်စိုက် ထွက်ခွာသွားကြတယ်။
ဘာပဲဖြစ်ဖြစ် အောင်နိုင်တဲ့လက်ဟန်တွေ ငါတို့မြှောက်ကြရအောင်!

နှစ်တွေကြာလာတဲ့အခါ
လူကိုစိတ်ဓာတ်ကျစေခဲ့တဲ့ ဒီဘောလုံးပွဲကို ဘယ်သူတွေ မှတ်မိနေကြဦးမလဲ?
ဓာတ်ပုံထဲက ပြုံးရယ်နေတဲ့ ငါတို့ရဲ့တောက်ပအပြုံးကိုပဲ လူတွေကမြင်ကြရမှာ"

ဘောလုံးပွဲမှာ သဲသဲမဲမဲထိုးစစ်ဆင်ခဲ့တဲ့ ကိုယ့်ကိုယ်ကို မှတ်မိသေးလား?
ဘောလုံးအတူကန်ခဲ့တဲ့၊ အတူပစ်လဲခဲ့တဲ့ သူငယ်ချင်း အပေါင်းအသင်းတွေကို မှတ်မိသေးလား?
အားလုံးက အသက်ရှင်နေရက်ပါ။ ဒါပေမဲ့ အဲဒီဘောလုံးကွင်းဆီ ဘယ်သူမှ ထပ်မရောက်ခဲ့ကြတော့ဘူး။


(၂) Taurus (ပြိဿရာသီ)

"လူတစ်ယောက်နဲ့တွေ့ဆုံဖို့ အချိန်တစ်စက္ကန့်ပဲလိုတယ်။
လူတစ်ယောက်နဲ့ ခင်မင်ရင်းနှီးဖို့ အချိန်တစ်မိနစ်ပဲလိုတယ်။
လူတစ်ယောက်ကို နှစ်သက်မိဖို့ အချိန်တစ်နာရီပဲလိုတယ်။
လူတစ်ယောက်ကို ချစ်မိဖို့ အချိန်တစ်ရက်ပဲလိုတယ်။
ဒါပေမဲ့ လူတစ်ယောက်ကို မေ့ဖို့ အချိန်တစ်ဘဝစာလိုတယ်"

သင့်ကို ခွဲသွားခဲ့သူရဲ့အရိပ်တွေ သင့်အတွေး၊ သင့်ဦးနှောက်ထဲမှာ တဝဲဝဲလည်နေတုန်းလား? ကြီးပြင်းရာလမ်းတစ်လျှောက်မှာ ထင်ကျန်ခဲ့တဲ့ခြေရာတွေ သင်ရင်ထဲမှာ နက်နက်ရှိုင်းရှိုင်း မှတ်ကျောက်တင်ထားခဲ့ပြီ ထင်ပါတယ်!



(၃) Gemini (မေထုန်ရာသီ)

"မျက်လုံးချင်းတူပေမဲ့ အမြင်ချင်းမတူကြဘူး။
နားရွက်ချင်းတူပေမဲ့ နားထောင်ပုံချင်းမတူကြဘူး။
ပါးစပ်ချင်းတူပေမဲ့ ပြောဆိုပုံချင်းမတူကြဘူး။
စိတ်နှလုံးသားချင်းတူပေမဲ့ တွေးတောပုံချင်းမတူကြဘူး။
ဒါကြောင့်မို့ပဲလား... လူလူချင်းတူပေမဲ့ ဝမ်းနည်းပူဆွေးမှုတွေကွဲပြားကြတယ်"

ကိုယ့်ပတ်ဝန်းကျင်က သူငယ်ချင်းတွေတိုင်းမှာ မတူတဲ့သောကကိုယ်စီရှိကြတယ်။ လူတိုင်းက ဒါကိုပဲ ညည်းတွားရေရွတ်ကြတယ်။ သူတို့ညည်းတွားတာတွေကို ကျွန်တော်တို့နားမလည်သလို နားလည်းမထောင်ချင်ခဲ့တော့ဘူး။ မောပန်းပြီး စိတ်သောကတွေပဲ ကျန်ရစ်ခဲ့တယ်။


(၄) Cancer (ကရကဋ်ရာသီ)

"ပျော်ရွှင်တဲ့အချိန်ကျမှ ကြောက်ရွံ့စိတ်ပါးလျလျကို ခံစားရတယ်။
ပက်ပက်ဟက်ဟက် ရယ်မောချိန်ကျမှ စိတ်လှုပ်ရှားတဲ့မျက်ရည်တွေက ကျလာတယ်။

ရိုးရှင်းတဲ့ ပျော်ရွှင်ခြင်းကို ငါမယုံကြည်ခဲ့ဘူး။
လူ့ဘဝရဲ့ အပျော်နဲ့ဝမ်းနည်းခြင်းတွေကို ငါ မတုန်လှုပ်ပေမဲ့ စိတ်ထင့်ထင့်ဖြစ်ခဲ့ရတယ်"

ဒီလောကကြီးက ပြောင်းလဲခြင်းတွေ မြန်ဆန်လွန်းတယ်။ လက်ထဲဆုပ်ကိုင်ထားတယ်ဆိုတိုင်း ငါ့အတွက်ဖြစ်လေမလား? စိတ်တထင့်ထင့်.. တထင့်ထင့်ပါပဲ။ နင့်ရဲ့ အပွေ့အဖက်ကို ငါလိုတယ်။ တခဏလေးပဲဖြစ်ဖြစ်ပေါ့။ ဒါဟာလည်း တကယ့်နွေးနွေးထွေးထွေးရှိစေခဲ့တာပဲ။


(၅) Leo (သိဟ်ရာသီ)

"အတောင်တစ်စုံရှိတာနဲ့ ငါဟာ ငှက်တစ်ကောင်ဖြစ်သွားပြီလို့ ထင်ခဲ့တယ်။
ငှက်ဖြစ်သွားတာနဲ့ လွတ်လပ်မှုတွေ ပိုင်ဆိုင်ရပြီလို့ ထင်ခဲ့တယ်။
အခုတော့ မျှော်လင့်ခဲ့တဲ့ အတောင်တစ်စုံ ပိုင်ဆိုင်ခဲ့ပါတယ်။
ဒါပေမဲ့ နေရာသေးသေးထဲမှာပဲ ပျံသန်းခဲ့ရတယ်။ လွတ်လပ်မှုတွေ ဆုံးရှုံးခဲ့ရတယ်။
တကယ်တော့ ငါ့ကိုယ်ငါ နားမလည်ခဲ့တာပါ။
ငါလိုချင်တာက အတောင်ပံတစ်စုံလား! ပျံသန်းခြင်းလား! လွတ်လပ်မှုလား!
ဒါမှမဟုတ် ပျံသန်းခြင်းကို လိုက်လံဖမ်းဆုပ်ချင်တဲ့ ခံစားမှုသက်သက်လား!"


သင့်ဆန္ဒတွေဖြစ်မြောက်ခဲ့ပြီလား?
သင်လိုချင်တဲ့အရာ သင့်ရှေ့မှောက်ရောက်နေတာတောင် သင်ဝမ်းနည်းကြေကွဲနေရသေးတယ်။
စစချင်းကတည်းက မှားခဲ့လို့လား! သင့်ကိုယ်သင် နားလည်မှုလွဲခဲ့လို့လား! ဒါမှမဟုတ် သင်ပြောင်းလဲသွားလို့လား?


(၆) virgo (ကန်ရာသီ)

"ကြောင် ရေငုပ်တာကို ငါတွေ့ခဲ့တယ်။ နင့်ကို ငါမတွေ့ခဲ့ဘူး။
ခွေးတောင်တက်တာကို ငါတွေ့ခဲ့တယ်။ နင့်ကို ငါမတွေ့ခဲ့ဘူး။
နွေရာသီမှာ နှင်းကျတာကို ငါတွေ့ခဲ့တယ်။ နင့်ကို ငါမတွေ့ခဲ့ဘူး။
ဆောင်းတွင်းမှာ မုန်တိုင်းတိုက်တာ ငါတွေ့ခဲ့တယ်။ နင့်ကို ငါမတွေ့ခဲ့ဘူး။
ဝက်တွေစည်းလုံးတာကို ငါတွေ့ခဲ့တယ်။ နင့်ကို ငါမတွေ့ခဲ့ဘူး။
ထူးခြားတဲ့အရာတွေကို ငါတွေ့ခဲ့တယ်။ မထူးခြားတဲ့နင့်ကို ငါလုံးလုံးမတွေ့ခဲ့ဘူး။"

အကောင်းဆုံးမဟုတ်ပေမယ့်လည်း သင်လိုချင်တာကို သင်တောင့်ခံခဲ့တယ်။ သည်းခံစောင့်ဆိုင်းခြင်းက အကောင်းဆုံးလို့ သင်ယုံကြည်ထားတယ်။ ဒါပေမဲ့
နောက်ဆုံးမှပြုတ်ကျလာတဲ့ ပန်းသီးနီနီက အချဉ်ဆုံးဖြစ်နေတတ်တယ်။
ရင်ကိုမွှေနှောက်နိုင်စွမ်းတဲ့အချစ်က ကြာကြာစောင့်ပြီးမှ
ရလာခဲ့တာမဟုတ်ပါဘူး။


(၇) Libra (တူရာသီ)

"ပြတင်းအပြင်ဖက်မှာ နေသာနေပြီ။ အိမ်ထဲမှာတော့ မိုးရွာနေတုန်းပဲ။

ငါပြုံးတိုင်း ငါပျော်နေတယ်လို့ မဆိုနိုင်ဘူး။
ငါထီးဆောင်းတာဟာ မိုးခိုဖို့လည်း မဟုတ်နိုင်ဘူး။
ငါဘာတွေးနေတယ်ဆိုတာ နင်ဘယ်တော့မှ သိနိုင်မှာမဟုတ်ဘူး။
လူတိုင်းကို ငါပွေ့ဖက်ချင်ရင် ငါ့ကိုယ်ငါ အရင်နွေးထွေးရတယ်။
ကျေးဇူးပြုပြီး ငါ့ကို ခွင့်လွှတ်သည်းခံပါ။
နင့်ကို ခွင့်လွှတ်သည်းခံနိုင်ဖို့ ငါလေ့ကျင့်နေလို့ပါ။"

နေ့စဉ်နေ့တိုင်း ကိုယ့်ရဲ့ရည်မွန်တဲ့အမူအကျင့်ကို မငြီးမငွေ့ ထိန်းသိမ်းနေသလား?
မနှစ်သက်တဲ့လူနဲ့တွေ့တိုင်း ပြုံးရယ်နိုင်ဖို့ သင်လေ့ကျင့်နေလား?
မနှစ်သက်တဲ့အရာတွေတွေ့တိုင်း သဒ္ဒါတရားထက်သန်စွာနဲ့ သင်လက်ခံနေတုန်းပဲလား?


(၈) Scorpio (ဗြိစ္ဆာရာသီ)

"လှမ်းမမီတဲ့ကြယ်က အလင်းလက်ဆုံးပဲ။
လွတ်သွားတဲ့ငါးက အလှဆုံးပဲ။
မကြည့်ဖြစ်တဲ့ရုပ်ရှင်က အကောင်းဆုံးပဲ။

ဆုံးရှုံးသွားတဲ့ချစ်သူက ငါ့ကို နားအလည်ဆုံးပဲ။
ဒါတွေက ဘာသဘောတရားတွေလဲ ငါလုံးဝနားမလည်ခဲ့ဘူး..."

နှစ်သက်တဲ့အရာတွေကို အမြဲအိမ်သယ်မပြန်ပါနဲ့။ သင့်အိမ်မဆန့်သလို သင့်နှလုံးသားမှာလည်း ထည့်ဖို့မဆန့်ဘူး။ နဂိုရှိနေတဲ့နေရာမှာပဲ သူတို့ရှိနေပါစေ။ သူတို့ကို သတိရတဲ့အခါ ငါတို့အတူ တွေးတောကြတာပေါ့။


(၉) Sagittarius (ဓနုရာသီ)

"ဝမ်းနည်းကြေကွဲမှုတိုင်းက ပျော်ရွှင်တဲ့သဲလွန်စတော့ ချန်ခဲ့တတ်တယ်။
နောင်တပူဆွေးမှုတိုင်းက စံထားလောက်တဲ့ထောင့်တစ်ထောင့်တော့ ချန်ခဲ့တတ်တယ်။
ရေခဲတွေဖုံးလွှမ်းထားတဲ့ ပင်လယ်ပြင်မှာ ငါဟာ မျှော်လင့်ချက် အကွဲအအက်လေးကိုရှာခဲ့တယ်။
ညသန်းခေါင် လန့်နှိုးချိန်မှာ လှပတဲ့ လရောင်ကို ရုတ်တရက်တွေ့လိုက်တယ်။"

ဘာဖြစ်လို့ ကျွန်တော်တို့ကြိုးစားလျှောက်လှမ်းချိန်မှာ ကျွန်တော်တို့ဘယ်ကိုဦးတည်ရမှန်းမသိအောင် ရှေ့ကလမ်းက ပိုပိုမှောင်မိုက်လာရသလဲ? လောကမှာ အမှောင်မည်းဆုံးနေရာဆိုခဲ့ရင်တောင် ရှေ့ဆက်မယ့် သင့်လမ်းကိုရှာဖွေနိုင်အောင် အလင်းပေးလမ်းပြမယ့် ကြယ်တွေရှိခဲ့ပါတယ်။



(၁ဝ) Capricorn (မကာရရာသီ)

"ဆုပေးကြေညာသံမြည်လာချိန်မှာ ကျွန်တော်နေမသိထိုင်မသာဖြစ်မိတယ်။
ပထမဆုရသူ ပျော်လွန်းလို့ ဆေးရုံရောက်သွားတယ်။ ဆုလာမယူနိုင်ပါ။
ဒုတိရဆုရသူ မကျေနပ်လို့ ဆုယူဖို့ ငြင်းဆန်ပါတယ်။
စတုထ္တဆုရသူ အဆင့်တစ်၊ နှစ်၊ သုံးထဲမဝင်လို့ ဆုယူဖို့ရှက်ပြီး ဆုလာမယူပါ။
ပဉ္စမဆုရသူကပြောတယ် "စတုထ္တဆုရသူတောင် ဆုလာမယူတာ၊ ငါလဲယူရမှာ ဝန်လေးတယ်"
တတိယဆုရသူ အထီးကျန်လိုက်တာ..."

"ဖြစ်စဉ်က ရလဒ်ထက် ပိုအရေးပါသလား?"
"ယှဉ်ပြိုင်ဖို့က ပထမ၊ ဆုယူဖို့က ဒုတိယလား?" ကိုယ်တိုင်သတ်မှတ်ခဲ့တဲ့ကစားနည်းကို လူတွေဘာကြောင့် မကစားကြတော့တာလဲ?


(၁၁) Aquarius (ကုံရာသီ)

"လူကငါးမဟုတ်တော့ ငါးစိတ်ညစ်တာကို ဘယ်နားလည်နိုင်မလဲ!
ငါးကငှက်မဟုတ်တော့ ငှက်ရဲ့ပျော်ရွှင်ခြင်းကို ဘယ်နားလည်နိုင်မလဲ!

ငှက်ကလူမဟုတ်တော့ လူရဲ့အလိမ်အညာကို ဘယ်နားလည်နိုင်မလဲ!
လူကငှက်မဟုတ်တော့ ငှက်ရဲ့လွတ်လပ်မှုကို ဘယ်နားလည်နိုင်မလဲ!
ငှက်ကငါးမဟုတ်တော့ ငါးရဲ့လေးနက်မှုကို ဘယ်နားလည်နိုင်မလဲ!
ငါးကလူမဟုတ်တော့ လူရဲ့ကလေးဆန်တာကို ဘယ်နားလည်နိုင်မလဲ!
နင့်က ငါမဟုတ်တော့ ငါ့ကို ဘယ်လိုနားလည်နိုင်မလဲ!"

လောကမှာ ကျွန်တော့်လိုပဲ တခြားလူနဲ့မတူတဲ့ လူတစ်ယောက်ရှိတယ်လို့ ကျွန်တော်ယုံကြည်ထားတယ်။ သူဘယ်မှာရှိမှန်း ကျွန်တော်မသိဘူး။ ဒါပေမဲ့
ကျွန်တော်ခံစားလို့ရတယ်။ ဒါကြောင့် ကျွန်တော့်ပတ်ဝန်းကျင်ကလူတွေ
ကျွန်တော့်ကိုနားလည်သည်၊ နားမလည်သည်ဖြစ်စေ ကျွန်တော်ဂရုမစိုက်ခဲ့ပါဘူး။


(၁၂) Pisces (မိန်ရာသီ)

"ဗိုက်ဆာပြီ ထမင်းစားမယ်
စားဝပြီ နင့်ကိုသတိရတယ်
ပင်ပန်းပြီ အိပ်တော့မယ်
မျက်လုံးပွင့်ပြီ နင့်ကိုသတိရတယ်

ညအမှောင်ရောက်လာချိန်ထိ ဘာမှလည်းမဖြစ်ခဲ့ပါဘူး....."

မငေးငိုင်ရတာ ကြာနေပြီ။ အရင်တစ်ခေါက် ငေးငိုင်တာက ဘယ်တုန်းကပါလိမ့်! သူဌေးဒေါသကြီးကြီး ဆူဆဲတဲ့အချိန်ကလား! ဒါမှမဟုတ် မုန့်စားပြီး ပိုက်ဆံမရှင်းမိတဲ့အချိန်ကလား!

ပေါင်းသင်းခြင်း အနုပညာ

လောကကြီးမှာ ယောက်ျားနဲ့မိန်းမဆိုတဲ့ လူနှစ်မျိုးနှစ်စားပဲရှိတယ်။ လိင်မတူတဲ့ ဒီလူနှစ်မျိုးနှစ်စားက အချင်းချင်းဆွဲငင်တတ်ကြသလို ချစ်ရည်လူးတဲ့စကားတွေကိုလည်း ပြောဆိုတတ်ကြတယ်။ ယောက်ျားရဲ့အခြားတစ်ခြမ်းက မိန်းမလို့ဆိုရင် မိန်းမရဲ့အခြားတစ်ခြမ်းဟာလည်း ယောက်ျားပဲဖြစ်ပါတယ်။ ယောက်ျားမရှိတဲ့မိန်းမ၊ မိန်းမမရှိတဲ့ယောက်ျားတွေဟာ အခြမ်းမပြည့်စုံသူတွေဖြစ်တယ်။ စက်ဝန်းတစ်ခုအဖြစ် အခြမ်းနှစ်ခုပေါင်းစပ်ပြီး ရှေ့ကိုပျော်ပျော်ရွှင်ရွှင်နဲ့ ဆက်လှိမ့်နိုင်ဖို့ မောင်နှံနှစ်ဦးရဲ့ ပေါင်းသင်းခြင်းအနုပညာကို သင်ယူတတ်မြောက်ထားဖို့ လိုပါလိမ့်မယ်။

အပြန်အလှန် တန်ဖိုးထားနှစ်သက်ခြင်း

ဇနီးမောင်နှံအတွက် အမှာစကား၊ မင်္ဂလာစကားတွေ အများကြီးရှိပေမယ့် အဲဒီစကားတွေရဲ့ အခြေခံသဘောတရားက “(၁) တစ်ဘက်လူရဲ့ တန်ဖိုးထားနှစ်သက်ခံရသူဖြစ်အောင် ကြိုးစားပါ။ (၂) တစ်ဘက်လူကို တန်ဖိုးထားနှစ်သက်တတ်သူဖြစ်အောင် ကြိုးစားပါ”ဆိုတဲ့ အချက်နှစ်ချက်ကို ဆိုလိုခြင်းဖြစ်ပါတယ်။

အချစ်ရဲ့တကယ့်အနှစ်သာရက အချင်းချင်းနှစ်သက်တာကို ရှာဖွေတွေ့ရှိခြင်းပဲဖြစ်တယ်။ တန်ဖိုးထားနှစ်သက်တာကို “ပန်း”လို့တင်စားရင် အချစ်က “အသီး”ပဲဖြစ်မယ်ထင်ပါတယ်။ ကိုယ်ချစ်တဲ့လူကို ချစ်ကြောင်း အရှက်အဝံ့မရှိ ထုတ်ဖော်ပြောပါ။ ချီးမွမ်း၊ ချီးကျူးစကားပြောဖို့ ကပ်စီးမနဲပါနဲ့။ သင့်တော်တဲ့နေရာ၊ ဆီလျော်တဲ့အမူအရာနဲ့ ကိုယ်ချစ်တဲ့လူကိုပြောတဲ့ “နင့်ကို ငါချစ်တယ်”ဆိုတဲ့ စကားတစ်ခွန်းဟာ တပ်တစ်တပ်ထက် အင်အားကြီးပါတယ်။ တန်ဖိုးထားနှစ်သက်တယ်ဆိုတာက တစ်ဘက်သားကို အသိအမှတ်ပြုခြင်း၊ အတည်ပြုခြင်းနဲ့ အားပေးဖေးမခြင်း စတာတွေကို ခံစားစေသလို ကျေနပ်အားရတဲ့ခံစားချက်ကိုလည်း ဖြစ်စေပါတယ်။ နားလည်ခြင်းဆိုတဲ့အဓိပ္ပာယ်မှာ အသိအမှတ်ပြုခြင်း၊ အတည်ပြုခြင်း၊ ချီးကျူးခြင်းနဲ့ တန်ဖိုးထားနှစ်သက်ခြင်းတွေ ပါပါတယ်။ နှစ်ဦးနှစ်ဖက်ရဲ့ရင်ထဲမှာ တန်ဖိုးထားနှစ်သက်ခြင်းက လိုကိုလိုအပ်ပါတယ်။ ဒါဟာလည်း ဇနီးမောင်နှံနှစ်ဦးရဲ့ ပေါင်းသင်ခြင်းလျှို့ဝှက်ချက်ထဲက တစ်ခုဖြစ်ပါတယ်။

ခံစားမှုကို စုဆောင်းခြင်း

လူတိုင်းရင်ထဲက အနက်ရှိုင်းဆုံးတစ်နေရာမှာ ခံစားမှုတွေကို စုဆောင်းထားတဲ့ ဘဏ်လေးတစ်ခုရှိပါတယ်။ တကယ်လို့ အဲဒီဘဏ်လေးထဲမှာ အချစ်နဲ့ရယ်မောစရာတွေကို အမြဲစုထားရင် ပျော်ရွှင်ခြင်း၊ ချမ်းမြေ့ခြင်းစတဲ့အရာတွေက တိုးတိုးလာသလို ပြုံးရယ်ခြင်း၊ နူးညံ့ခြင်း၊ အားပေးခြင်း၊ နှစ်သိမ့်ခြင်းစတဲ့ အတိုးအမြတ်တွေကိုလည်း ဖြစ်ထွန်းစေပါတယ်။ တစ်ခါတလေမှာ တကိုယ်ကောင်းဆန်မိ၊ မယုယမကြင်နာဖြစ်မိပြီး ဘဏ်ထဲဘာမှ မစုဆောင်းမိရင်တောင် ဘဏ်ကoverdraw မဖြစ်သွားနိုင်ပါဘူး။ ကြည်နူးပျော်ရွှင်ခြင်းတွေ စုဆောင်းထားတာနည်းရင်တော့ ငြင်းခုန်ရန်ဖြစ်တိုင်း ပြင်းထန်မှုတွေ ကြီးကျယ်စေတတ်ပါတယ်။

ယုံကြည်ခြင်းနဲ့တန်ဖိုးထားနှစ်သက်ခြင်းကို အကြွေးစာရင်းထဲမှာပဲထားပြီး စုဆောင်းထားတာကိုပဲ အမြဲထုတ်ထုတ်သုံးနေရင်လည်း နောက်ဆုံးမှာ ခံစားချက်ပြိုကွဲခြင်း၊ အိမ်ထောင်ရေးအက်ကြောင်းထခြင်း စတဲ့ အပျက်အဆီးထဲ ရောက်သွားနိုင်ပါတယ်။ လူ့ဘဝက ရှုပ်ထွေးပွေလီလွန်းပါတယ်။ တစ်ခါတလေမှာ ကျွန်မတို့ဟာ အထိန်းအချုပ်မဲ့ပြီး တစ်ဘက်လူ၊ ကိုယ့်အိမ်ထောင်ဖက်ကို ထိခိုက်နာကျင်အောင် လုပ်မိတတ်ပါတယ်။ ခံစားမှုဘဏ်အကောင့်လေး overdrawမဖြစ်သွားစေတဲ့ အကောင်းဆုံးနည်းက ဘဏ်ထဲကို နာလိုဖွယ်စကား၊ ချစ်ခင်နှစ်သက်တဲ့ခံစားမှု၊ တန်ဖိုးထားမြတ်နိုးတဲ့ အပြုအမူတွေ အမြဲတမ်း စုဆောင်းနေဖို့ပဲဖြစ်ပါတယ်။

ကိုယ်ပိုင်လွတ်လပ်မှု

လက်ဘနွတ်စာရေးဆရာ (Kahlil Gibran)က “နှစ်ခုကို တစ်ခုဖြစ်အောင် ပေါင်းတဲ့အထဲမှာ နေရာလပ်လေးတစ်ခုတော့ ရှိဖို့လိုတယ်”လို့ ဆိုခဲ့ပါတယ်။ တယောကြိုးတွေဟာ အသံတစ်သံထဲမှာ တုန်ခါနေတယ်ဆိုပေမယ့် ကြိုးတိုင်းမှာ မတူတဲ့အသံကိုယ်စီနဲ့ ကွဲပြားကြပါတယ်။ ဒါမှလည်း သာယာနာပျော်ဖွယ်ကောင်းတဲ့ အသံတွေကို တီးခတ်နိုင်မှာဖြစ်တယ်။ အိမ်ထောင်ရေးဆိုတာ တစ်ဦးချင်းရဲ့လွတ်လပ်မှု၊ တစ်ဦးချင်းရဲ့ ဒီမိုကရေစီဖြစ်တယ်။ “နင်က ငါ့ဟာပါ”လို့ သံသယမလွန်ကဲပါနဲ့။ ဒါဟာ အချစ်အိမ်လေးကို လှောင်အိမ်အချုပ်ဖြစ်အောင် ဖန်တီးလိုက်တာနဲ့ အတူတူပါပဲ။ အချစ်ကို အဓွန့်ရှည်တည်တံစေချင်ရင် ဂရုတစိုက်နဲ့ ပြုစုပျိုးထောင်ပေးရပါတယ်။ ဒါဟာ ကိုယ့်ကိုယ်ကိုပြောင်းလဲဖို့ ပြောနေတာမဟုတ်သလို တခြားသူကိုပြောင်းလဲနိုင်ဖို့ ကြိုးစားခိုင်းတာလည်း မဟုတ်ပါဘူး။ သင့်တော်တဲ့အခြေအနေတစ်ခု၊ နေရာတစ်ခုဖြစ်အောင် အချင်းချင်းထိန်းညှိဖို့၊ အတူတကွဆိုပေမယ့်လည်း ကိုယ်ပိုင်နေရာလေးရှိဖို့တော့ လိုအပ်ပါတယ်။ အိမ်ထောင်ရေးဆိုတဲ့မြေကြီးထဲမှာ ကိုယ်ပိုင်အပင်လေးနှစ်ပင် လွတ်လွတ်လပ်လပ် ရှင်သန်ကြီးထွားစေခြင်းအားဖြင့် ပျော်ရွှင်တဲ့အသီးအပွင့်တွေကို ဝေဝေဆာဆာ ဖူးပွင့်စေနိုင်ပါတယ်။

အပြန်အလှန် လေးစားခြင်း

“သင့်ကို လူတွေဘယ်လို ဆက်ဆံစေချင်ရင် လူတွေကို သင်လည်းဘယ်လိုဆက်ဆံပါ”ဆိုတဲ့ စကားအတိုင်း အိမ်ထောင်ရေးတည်မြဲဖို့ အဓိကအရေးပါတဲ့အချက်က အချင်းချင်းလေးစားတတ်ဖို့ပဲဖြစ်ပါတယ်။ တစ်ဘက်သားကို လေးစားတတ်မှ တစ်ဘက်သားရဲ့လေးစားမှုကိုရမှာဖြစ်တယ်။ တစ်ဘက်သားကို လေးစားတတ်ရုံတင်မက သူ့မိဘ၊ သူ့ညီအစ်ကိုမောင်နှမ၊ ဆွေမျိုးသားချင်းတွေကိုပါ လေးစားတတ်ရပါမယ်။ တကယ်လို့ တစ်ဘက်သားရဲ့မိသားစုကို မလေးစား၊ မထီမဲ့မြင်ပြုတယ်။ တချို့က တစ်ဘက်ရဲ့မိသားစုကို ကိုယ့်ပြိုင်ဖက်လို သဘောထားတယ်။ ဒါဟာ အင်မတန် ရုပ်ဆိုးအကြည်တန်တဲ့ တုံးအမှုပါ။ ဒီလိုလုပ်ခြင်းအားဖြင့် ကိုယ့်ကိုယ်ကို အထီးကျန်ကမ္ဘာထဲ တွန်းပို့နေသလို သင့်ရဲ့အိမ်ထောင်ရေးကိုလည်း ပြိုကျပျက်ဆီးစေနိုင်ပါတယ်။

ငွေကြေးနဲ့အချစ်…. မိသားစုရဲ့အခြေခံမှာ ငွေကြေးနဲ့အချစ် တစ်ခုခုလစ်ဟနေလို့မဖြစ်ပါဘူး။ ပြောနေကျစကားအတိုင်းပြောရရင် အချစ်ဆိုတာလိုအပ်သလို ပေါင်မုန့်ဆိုတာလည်း လိုအပ်ပါတယ်။ ငွေကြေးမရှိရင် အချစ်ကိုသက်ရောက်တတ်တာကိုတော့ ဘယ်သူမှငြင်းဆန်လို့ မရနိုင်ခဲ့ပါဘူး။ ဒါပေမဲ့ ငွေကြေးက ကောင်းကျိုးကိုလည်းဖြစ်စေသလို ဆိုးကျိုးကိုလည်း ဖြစ်စေပါတယ်။ မိသားစုဘဝမှာ ငွေကြေးကို အရမ်းအလေးထားလို့ မဖြစ်ပါဘူး။ “စီးပွားရေးစီမံကိန်း”ဆိုပြီး တစ်ဘက်သားကို ထိန်းချုပ်ခြယ်လှယ်တာမျိုး၊ တစ်ဘက်သားကို ငွေကြေးနဲ့ပတ်သက်တဲ့လုပ်ပိုင်ခွင့် မပေးတာမျိုး ဖြစ်စေတတ်လို့ပါ။ သင့်ရဲ့ဒီလိုစီမံကိန်းကို မခံမရပ်နိုင်တဲ့တစ်နေ့မှာ မိသားစုအိမ်ငယ်လေးထဲကနေ သူထွက်ပြေးသွားတတ်ပါတယ်။ ဒီလိုအချိန်ရောက်မှ ငွေကြေးဆိုတာ ဒြပ်မဲ့၊ လူကမှ သက်ရှိ၊ လူသာလျှင် ချစ်ခြင်းအဆောက်အဦးကြီးရဲ့ ထုပ်တန်းဆိုတာကို သင်သိလာမှာဖြစ်တယ်။

ဖူးစာကံကို တန်ဖိုးထားပါ

“ရှေးဘဝရဲ့အတိတ်ကံကြောင့် ဒီဘဝမှာလာတွေ့ကြတယ်”ဆိုတဲ့အတိုင်း အပြောကျယ်တဲ့လောကကြီးမှာ ကျွန်မတို့ဟာ ကျွန်မတို့ရဲ့အခြားတစ်ခြမ်းနဲ့ လာဆုံခဲ့ကြတယ်။ အတိတ်ကံ ဘယ်လောက်ကောင်းခဲ့သလဲ! ဒါကြောင့် ဒီကံကို ကျွန်မတို့တန်ဖိုးထားသင့်ပါတယ်။ ဖူးစာကံကြောင့် လာဆုံကြတဲ့ ဒီအိမ်ထောင်ရေးကို တီဗီကြည့်သလိုမျိုး အချိန်မရွေး ဟိုချန်နယ်ချိန်း၊ ဒီချန်နယ်ချိန်း မလုပ်သင့်ပါဘူး။ ပထမအိမ်ထောင်ရေးမှာ တည်ကြည်လေးနက်မှုမရှိသူဟာ ဒုတိယအိမ်ထောင်ရေးကိုလည်း ကောင်းကောင်းလည်ပတ်စေနိုင်မှာ မဟုတ်ပါဘူး။ လူသားတွေရဲ့ စဉ်းစားတွေးခေါ်မှု၊ အသိဉာဏ်ရှိမှုနဲ့ ပြောင်းလဲတတ်တဲ့ခံစားချက်တွေက ယောက်ျားနဲ့မိန်းမရဲ့ ပေါင်းသင်းခြင်းတည်မြဲရေးကို သက်ရောက်စေတတ်ပါတယ်။ တကယ်လို့ ကယ်တင်လို့မရနိုင်တော့တဲ့ သေကွဲအိမ်ထောင်ရေးမဟုတ်ခဲ့ရင် အတတ်နိုင်ဆုံး ကြိုးစားကုသပါ။ လက်စတွဲပြီဆိုတာနဲ့ “ပျိုမျစ်တဲ့လက်ကနေ အိုမင်းတဲ့လက်ဖြစ်သည်အထိ” တွဲပါ။ စကားတစ်ခွန်းကြောင့်၊ အခက်အခဲလေးတစ်ခုကြောင့်နဲ့ လက်တွဲမဖြုတ်လိုက်ပါနဲ့။

ပေးဆပ်တတ်ပါစေ

လူအများက “အချစ်ခံ”ရတာကို နှစ်သက်တတ်ကြပြီး “ချစ်ဖို့”ကိုတော့ မေ့နေတတ်ကြတယ်။ ကိုယ့်ကိုယ်ကို ဘယ်လိုချစ်ဖို့ကောင်းအောင် နေမလဲဆိုတာကိုပဲသိကြပြီး တစ်ဘက်သားကို ဘယ်လိုချစ်မယ်၊ ဘယ်လိုဂရုစိုက်မယ်ဆိုတဲ့ ခြေလှမ်းကိုတော့ စမလှမ်းချင်ခဲ့ကြဘူး။ တကယ့်အချစ်က အရာရာအားလုံးကို “ပေးဆပ်”တာပါ၊ “ရယူ”တာ မဟုတ်ပါဘူး။ ကိုယ့်ရဲ့ခွန်အားနဲ့ သူ့ရဲ့ခွန်အားကို တက်ကြွစေတာပါ။ ပေးဆပ်ခြင်းက ရယူခြင်းထက် လူကိုပိုပျော်ရွှင်စေပါတယ်။ ပေးဆပ်လိုက်ရလို့ ဆုံးရှုံးချို့ငဲ့သွားတာ မဟုတ်ပါဘူး။ ပေးဆပ်လိုက်ရလို့ ဘဝကဖြစ်တည်သွားတာပါ။ အချစ်ဆိုတာ ဖြူစင်သန့်ရှင်းတဲ့အရာပါ။ အချစ်ထဲမှာ တောင့်တမှုတွေ၊ အကျိုးအမြတ်တွေ ရောစပ်မနေသင့်ပါဘူး။ အချစ်ဆိုတာ မျှဝေခြင်းပါ၊ တစ်ဘက်သတ်မဟုတ်ပါဘူး။ အချစ်ဆိုတဲ့အရာထဲမှာ ဂရုစိုက်ခြင်း၊ တာဝန်ယူခြင်း၊ လေးစားခြင်း စတဲ့အသိဉာဏ်တွေ ပါပါတယ်။ “သူ့ထဲမှာ ကိုယ်ရှိပြီး ကိုယ့်ထဲမှာ သူရှိ”တာဟာ အိမ်ထောင်ရေးရဲ့ အမြင့်ဆုံးအဆင့်ဖြစ်ပါတယ်။

အပြန်အလှန် ကြင်နာခြင်း

ယောက်ျားလေးပဲဖြစ်ဖြစ်၊ မိန်းကလေးပဲဖြစ်ဖြစ် ကြင်နာတတ်သူနဲ့အကြင်နာခံချင်သူတွေ ဖြစ်ကြပါတယ်။ သင်တွေ့ဆုံခဲ့တဲ့သူက လူတွေကိုပဲကြင်နာတတ်ပြီး အကြင်နာမခံချင်တဲ့ ဖခင်လိုယောက်ျားမျိုး၊ မိခင်လို မိန်းမမျိုးလို့ မထင်လိုက်ပါနဲ့။ ဇနီးမောင်နှံဆိုတာ တူတစ်စုံနဲ့တူပါတယ်။ ဘဝထဲက ချဉ်၊ ငံ၊ စပ်၊ ခါးအရသာတွေကို အတူတကွ ခံစားသင့်ပါတယ်။ သူ(သူမ)အလုပ်ပြန်ချိန် ရေအေးလေးတစ်ခွက်ကမ်းတာ၊ သူအိပ်ပျော်ချိန် စောင်လေးခြုံပေးတာ… ဒါတွေဟာ မပြောပလောက်တဲ့ အပြုအမူဆိုပေမယ် အချစ်ကို အဓွန့်ရှည်စေတယ်၊ အကြင်နာတွေ နှလုံးသားထဲ တစိမ့်စိမ့်ဝင်စေတယ်၊ အိမ်ထောင်ရေးကို ထာဝရတည်မြဲစေပါတယ်။

ခွင့်လွှတ်ခြင်းကို သင်ယူပါ

ဝတ်စားဆင်ယင်မှုရဲ့ အမြင့်ဆုံးအဆင့်က ဆွဲဆောင်မှုရှိခြင်းဆိုရင် အချစ်ရဲ့အမြင့်ဆုံးအဆင့်က ခွင့်လွှတ်ခြင်းပဲဖြစ်မယ် ထင်ပါတယ်။ အိမ်ထောင်ရေးကို မှန်မှန်ကန်ကန်လည်ပတ်နိုင်ဖို့ဆိုတာ ဇနီးမောင်နှံနှစ်ဦးလုံး အချင်းချင်း လိုက်လျောညီထွေအောင် နေတတ်ရုံမက အပေးအယူလည်းသင့်ဖို့ လိုပါတယ်။ အိမ်ဆိုတာ ချစ်ခြင်းမေတ္တာအကြောင်း ပြောဖို့နေရာလေးပါ။ အကျိုးအကြောင်းမသင့်တဲ့အရာတွေ ငြင်းခုန်တဲ့နေရာမဟုတ်ပါဘူး။ ဒဿနပညာရှင်တစ်ဦးက “မင်္ဂလာမဆောင်ခင် မျက်လုံးနှစ်လုံးကို ကျယ်ကျယ်ဖွင့်ပါ။ မင်္ဂလာဆောင်ပြီးရင် မျက်လုံးတစ်လုံးကို မှိတ်ထားပါ”လို့ ဆိုခဲ့ပါတယ်။ လူတိုင်း ခြောက်ပစ်မကင်းနိုင်ပါဘူး။ ဒီလူကို ချစ်ကြိုက်ခဲ့တယ်ဆိုတာက သူ့မှာ သင့်ကိုဆွဲဆောင်နိုင်တဲ့အရာ ရှိခဲ့လို့ပဲ မဟုတ်ပါလား?

တကယ်လို့ လူတစ်ယောက်ကို သင်နှစ်နှစ်ကာကာချစ်တယ်ဆိုရင် သူ့ရဲ့အရာရာကို ခွင့်လွှတ်နားလည်နိုင်ဖို့ ကြိုးစားပါ။ တကယ်လို့ လူတစ်ယောက်ကို သင်ခွင့်လွှတ်နားလည်တယ်ဆိုရင် သူ့ကိုသင်အရမ်းချစ်လို့ပါပဲ။ ခွင့်လွှတ်ခြင်းက အချင်းချင်းဆက်ဆံပြောဆိုမှုကို ချောမောပြေပြစ်စေနိုင်သလို သင့်ကိုလည်း စိတ်ချမ်းသာပြောရွှင်မှုတွေ ပေးနိုင်ပါတယ်။

နားလည်ပေးပါ

ဇနီးမောင်နှံကြားမှာ အချင်းချင်း “နားလည်”တတ်ရပါတယ်။ “နားလည်ခြင်း”ဆိုတာ အရှုံးနဲ့ သင်ရင်ဆိုင်ရချိန် သင့်ကိုလေးစားမှုပျက်စေတဲ့စကား မပြောသူ၊ သင်စိတ်လိုက်မာန်ပါလုပ်ချိန် သင့်ကို လေသံချိုချိုနဲ့ ရှင်းပြဖြေရှင်းချက်ပေးသူ၊ သင်စိတ်ဆင်းရဲချိန် သင့်ကိုဝန်မပိုစေသူ၊ သင်ပြုံးရင် သူအရင်ရယ်သူ၊ သင်စိတ်ညစ်ရင် သူအရင်စိတ်ပူတတ်သူ၊ သူပျော်တာတွေ သင့်ကိုပြောပြတတ်သူ၊ သူစိတ်ညစ်တာတွေ သင့်ကို မသိစေချင်သူ၊ မိုင်ပေါင်းထောင်သောင်းဝေးလည်း သင့်ကို ယုံကြည်စိတ်ချသူ… နားလည်တတ်ဖို့ ဂရုစိုက်ကြင်နာခြင်းတွေလိုအပ်သလို ချစ်ခြင်းတွေလည်း လိုအပ်ပါတယ်။

ချစ်ခင်တတ်ကြပါစေ...

မူရင်းလင့်.. http://www.duwenzhang.com/wenzhang/shenghuosuibi/20090819/65879.html

နိုင်းနိုင်းစနေ ဘာသာပြန်သည်။

အားလုံးပျော်ရွှင်ချမ်းမြေ့ကြပါစေ