၅သိန်းဖုန်းလေး

“ ကိုကိုရေ..ဖုန်းလာနေတယ်..” “ ကိုကို့…ဖုန်းလာနေတယ်..ဆို့..”

ယခုရက်ပိုင်းအတွင်း ကျွန်တော်တို့မြို့လေးမှာ ငါးသိန်းတန်ဖုန်းရောဂါ အတော်ထနေပါတယ်၊

သဲသဲကိုလှုပ်လို့ပါ၊ သူများ ထတော့ အောင်ထက်လဲ ရွလာ ကြွလာပါတယ်။

ခက်တာက ဖွတ်ကလိဒင်္ဂါးက မလောက်မင ဖြစ်နေပါတယ်၊

ကျူရှင်ဖိုးရတဲ့ထဲက အမေ့မပေးပဲ ဘတ်ထားတဲ့ ဘတ်ငွေလေးက နှစ်သိန်းပြူပြူလေးပဲရှိပါတယ်..



လက်ဘက်ရည်ဆိုင်အတူထိုင်ကြရင်း..သူငယ်ချင်းတွေက..

“ အေး..အေး..ပြောလေ..ဟုတ်ပါပီ..ငါပြန်ဆက်မယ်လေ..”

“ ညလေးလား..လိုင်းပေါ်ဘာလို့မတက်တာလဲ..စောင့်တဲ့သူက်ို မောအောင်ဖန်တာလား..”

သူတို့ခါးချိတ်ထားတာလေးတွေနဲ့ အဲလိုလုပ်လေ..အောင်ထက်ရင်ထဲ ကတုန်ကရင်ကြီးဖြစ်လေ..

မအီမသာကြီးဖြစ်လေပါ..



တစ်ခါကတော့ အဲဒီငါးသိန်းဖုန်းကြောင့် အောင်ထက်သူငယ်ချင်းလင်မယား အရှက်ကွဲဘူးလေရဲ့..

သူတို့အိမ်မှာ မကြာခင်က ၀ါဆိုသင်္ကန်းကပ်ပါတယ်၊ ငွေစကြေးစ ရွှင်သူများမို့ ပရိသတ်ကခပ်များများ..

ဆရာတော်က တရားဟောအပြီး..ရေစက်ချပါတယ်..

သူငယ်ချင်းလင်မယားက ခပ်တည်တည် ရေစက်ခွက်လေးတွေကိုယ်စီနဲ့ပေါ့..

ပရိသတ်က..” သာဓု “ သုံးကြိမ်ခေါ်ရမဲ့အချိန်လဲရောက်ရော..

“ အရက်ကိုကြိုက်လို့သောက်တဲ့သူ..စိတ်ပျော်တတ်လို့ သောက်တဲ့သူ..

သောက်ပစ်လိုက်မယ် ခပ်များများ…….. ”

အလှူတကာဖြစ်သူ.. သူငယ်ချင်းခါးက ငါးသိန်းဖုန်းလေးက..ထသောင်းကျန်းပါတော့တယ်..

ဆရာတော်လဲ..ကယာင်ကတန်းတောင်ဖြစ်လို့.

သာဓုခေါ်ဖို့လုပ်နေတဲ့..အောင်ထက်တို့လည်း ..ဘာလုပ်လို့ဘာကိုင်ရမှန်းမသိ

သာဓု ခေါ်ပြန်ရင်လည်း သူအရက်များများ သောက်လိုက်မှာကို.“.ကောင်းလေစွ .” ဖြစ်ရအုန်းမယ်..



ကြုံတုန်းလေး..တစ်ခုရှိပါသေးတယ်..

ရွေးကောက်ပွဲမတိုင်ခင်လေးကပါ..အင်အားအကြီးဆုံးပါတီကြီးက..လာမဲဆွယ်ပါတယ်.

အောင်ထက်တို့ကလဲ..စပ်စပ် စပ်စပ် သမားဆိုတော့ တက်ရောက်လိုက်ပါတယ်..

ကိုယ်စလည်လောင်းကြီးကအားပါးတရပေါ့လေ ဟောပြောကောင်းနေတုန်းမှာပဲ..

“ လိမ်တယ် ညာတယ် လူညာကြီးရယ်..ယုံအောင် ဖြီးတတ်တယ်…”

ပရိသတ်ထဲက ငါးသိန်းတန်လေးက ဖေါ်ကောင် ဘညွန့်လုပ်ပါတော့တယ်..

ကိုယ်စလည်လောင်းကြီးကိုမျက်နှာပူလိုက်တာ..



×××××× ×××××× ×××××××



တစ်နေ့..အမေ့ မီးဖိုချောင်မှာ ..

အောင်ထက်.. ဟိုဟာလေးကူလုပ်လိုက်..ဒီဟာလေး ကူလိုက်လုပ်နေပါတယ်..

အမှန်က ဟန်ဆောင်ပြီး အမေ့အလုပ်တွေကိုကူလုပ်ပြနေတာပါ။

အမေက ထူးဆန်းတဲ့ အောင်ထက်အပြုမူကို မျက်စောင်းလေးထိုးရင်း အကဲခပ်နေပါတယ်..

သားအမိအချင်းချင်း မြွေမြွေ ချင်း ခြေမြင်တဲ့ သဘောပါ။

“အမေ.. အမေ့ကို..သားပြောစရာရှိတယ်..”

“ နိဒါန်းပျိုး မနေနဲ့ ..ပြောစမ်း ဘာလိုခြင်ပြန်လဲ ”

“ သားကို ငါးသိန်းဖုန်း ၀ယ်ပေးပါလား..အမေ ..”

“ အလိုတော်..အိမ်မှာ ကြိုးဖုန်းရှိရဲ့ သားနဲ့..”

“ လုပ်ပါအမေရယ်..သူများတွေခါးမှာ ချိတ်နေကြတာ အမေရဲ့.”

“ အောင်ထက်..ဒီနှစ် နင့်ကို ငါမိန်းမပေးစားတော့မလို့ ငွေစုနေတာ.. ”

“ အမေကလဲ..သားမိန်းမ မလိုချင်ပါဘူး ဖုန်းပဲ ခါးချိတ်ချင်တာ..”

“နင့်အသက်မငယ်တော့ဘူး..ငါတောက ကောင်မလေးတစ်ယောက်တွေ့ထားတယ်..”

“ ဟာ..အမေကလဲ အမေ့ တောသူမ သားမကြိုက်ပါဘူး..သားက အမေ့ကိုလုပ်ကျွေးချင်သေးတာ..”

“ အမလေးတော်..ခုမှ လိမ္မာနေလိုက်တာ..နင့်ကိုငါမွေးထားတာ..ယုံနိုင်ဖွယ် “

“ အမေနော်..ဖုန်းခါးမချိတ်ရလို့ကတော့..သားကျူရှင်မလုပ်တော့ဘူး..အမေ့တောသူမလဲ မယူဘူး..”

အမေတစ်ခု သားတစ်ခုမို့ အမေ့ရဲ့ချွေးမရှာ စီမံကိန်းကြီးက မီးဖိုချောင်လွှတ်တော်မှာ

ရှုံးနိမ့်သွားပါတော့တယ်..ကျွန်တော့်ရဲ့ငါးသိန်းဖုန်းစီမံကိန်းက အောင်ပွဲခံလိုက်ပါတယ်..



×××××× ××××××× ×××××××



တနင်္လာနေ့..

မြို့နယ် ဘဏ်ခွဲတစ်ခုမှ ကျွန်တော်အောင်ထက်နဲ့ အဖေါ်သူငယ်ချင်း တစ်ယောက်ပြန်ထွက်လာပါတယ်..

လက်ထဲမှာ..ငါးသိန်းဖုန်း ငွေသွင်းချလံလေးကိုင်လို့..ပျော်လိုက်တဲ့ဖြစ်ခြင်း..

ဆိုင်ကယ်နှစ်စီး ဆီထည့်..နောက် လူဆီလေးလဲ အနည်းအကျဉ်းထည့်လိုက်ကြပါတယ်..

ကိစ္စ၀ိစ္စတွေလဲပြီးရော..အိပ်ကပ်ထဲမှာ..ငါးရာတန် အစုပ်လေးတစ်ရွက်က မျက်နှာငယ်ငယ်..

ရတယ် ဖုန်းခါးချိတ်ရပီးရော၊ အထက်လေကလေးမိမိနဲ့ ပျော်ရွှင်စွာပြန်အလာ..မြို့အထွက်တစ်နေရာ..

“ ရွှီး..ရွှီး “

မော်တော်ပီကယ်၊ အားလုံး OK တယ် အပြည့်အစုံပါတယ်။ဘာရမလဲပေါ့။

“ ကဲညီလေးတို့ တစ်စီးမှ ဘက်မှန်မပါဘူး တစ်စီးငါးထောင်စီကျတယ် “

“ အကိုရယ်..မလုပ်ပါနဲ့ ဖုန်းလာထုတ်တာပါ..မယကကြေးကလဲ သွင်းရသေး.. “

“ ဟေ့ ဟေ့ ..မဆိုင်တာတွေမပြောနဲ့.. မရဘူး ဆောင်သွား “

အမျိုးမျိုးတောင်းပန်ကြည့်ပါတယ်..ဘယ်လိုမှတောင်းပန်လို့မရပါ..

အဲဒီအချိန်မှာဘဲ အရေးထဲကျနော်သူငယ်ချင်းဖုန်းက ခေါ်သံမြည်လာပါတယ်၊။

“ ဟုတ်ကဲ့..ခင်မောင်လတ်ပါ “

“…………………………………………..”

“ ဟုတ်ကဲ့..အဘခရိးစဉ်တွက် အားလုံးစီစဉ်ပြီးပါပီ “

“…………………………………………..”

“ ဟုတ်ကဲ့..စိတ်ချပါ..ဆည်မြောင်းပြီးရင်..ကျောင်းဖွင့်ပွဲပါ “

“…………………………………………..”

“ ဟုတ်ကဲ့..ကျနော်..အခုလမ်းမှာပါ..ဆိုင်ကယ် အဖမ်းခံနေရလို့ပါ အဘ “

“…………………………………………..”

“ ဘက်မှန်ပဲမပါတာပါ..ဟုတ်..ဟုတ်..နာမယ်နဲ့ ကိုယ်ပိုင်နံပါတ်မေးခဲ့ရမယ်..ဟုတ် “

ဖုန်းလည်းပြောပြီးရော သူငယ်ချင်းက..

“ ကဲ အကိုကြီးရေ..ဆိုင်ကယ်တစ်စီးထားခဲ့မယ်..နောက်နေ့မှလာရွေးမယ်နော် “

“ ဟာ မဟုတ်တာ သွားကြပါကွာ အကိုကြီးက နောက်တာပါ “

“ အကိုကြီးရယ်..အားမနာပါနဲ့ ယူထားလိုက်ပါ..”

“ သွားကြပါကွာ..မချင်းချင်းတွေပဲ..”

“ ဟုတ်ကဲ့..အကိုကြီး သွားမယ်နော် ကျေးဇူးပဲ “



လမ်းရောက်တော့ ကျနော်က သူငယ်ချင်းကို စောစောကဖုန်းဆက်တာ ဘယ်ကလဲလို့မေးပါတယ်။

သူကအားရပါးရရီမောပြီးမှ..ငါ့မိန်းမဆီကပါတဲ့

ကျန်တာကတော့စိတ်ကူးပေါက်တာပြောလိုက်တာပါတဲ့။

အော်..ငါးသိန်းဖုန်းလေး..တယ်ဟုတ်ပါလား..အစွမ်းထက်လှပါလားနော်..

အဘ ကယ်ပေလို့သာပေါ့နော်..

ဒီလိုသာဆိုရင် ဒီနှစ် အမေပေးစားမဲ့တောသူမ မရလဲတန်ပါတယ် အမေရေ..



xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx



(၀န်ခံချက်..အဟောင်းလေးပြန်ပြင်ပီး..တင်လိုက်ပါတယ်..ခေတ်ကြီးက ဒီလိုပြဲဖစ်နေလို့)