Friday, March 16, 2012
အဖေ
ကျွန်တော်နဲ့ အဖေ
_________________________
အဲဒီနေ့က အဖေဟာ ကျွန်တော်နဲ့ အတူ ခြံဝင်းထောင့်က ထိုင်ခုံလေးမှာ ထိုင်နေခဲ့ပါတယ်။ သားအဖနှစ်ယောက် အဲလို ထိုင်နေတုန်းမှာ အိပ်တန်းတက်မယ့် ကျီးကန်းတစ်ကောင်ဟာ အိမ်ခေါင်မိုးရဲ့ တစ်နေရာမှာ လာနားပါတယ်။
“သား .. အဲဒါ ဘာငှက်လဲ”
အဖေက မေးပါတယ်။
“အဖေ .. အဲဒါ ကျီးကန်းလေ”
ကျွန်တော်က အဖေ့မေးခွန်းကို ဖြေပြီးတော့ အဖေက ဒုတိယအကြိမ်ထပ်မေးပါတယ်။
“သား .. အဲဒါ ဘာငှက်လဲ”
“အဖေ .. အဲဒါ ကျီးကန်းပါ”
ကျွန်တော်ဖြေပြီး နည်းနည်းကြာတော့ အဖေက နောက်တစ်ခါ ထပ်မေးပါတယ်။
“သား .. အဲဒါ ဘာငှက်လဲ”
“အာ .. အဖေကို ပြောပြီးပြီလေ .. ကျီးကန်းပါလို့ဆို”
အဲလို ကျွန်တော် စိတ်မရှည်စွာ ဖြေအပြီးမှာတော့ အဖေက ခဏငြိမ်ကျသွားပါတယ်။ အဖေဘာတွေ တွေးနေခဲ့သလဲ မသိ။ ခဏနေတော့ အဖေ့ဆီက စကားသံ ထွက်လာပြန်တယ်။ ဒီတစ်ခါလည်း သူမေးတာက အတူတူပါ။
“သား .. အဲဒါ ဘာငှက်လဲ”
ကျွန်တော် စိတ်မရှည်တော့။ ဒီလောက်ပြောနေတာကို အဖေ ဘာလို့ များ ထပ်ခါထပ်ခါမေးနေရလဲလို့။
“ကျီးကန်း၊ ကျီးကန်း၊ ကျီးကန်း ….
မှတ်ထားနော် .. အဲဒါ ကျီးကန်းဗျ”
ကျွန်တော့်စကားဆုံးတော့ အဖေဟာ ကျွန်တော်တို့ ထိုင်နေတဲ့ ထိုင်ခုံလေးက ထပြီး တုန်တုန်ရီရီနဲ့ အိမ်ထဲဝင်သွားပါတယ်။ ခဏကြာတော့ အဖေဟာ ဒိုင်ယာရီစာအုပ်လေးတစ်အုပ်ကို ကိုင်ပြီး ကျွန်တော့်ဆီ ပြန်ရောက်လာပါတယ်။ ဒိုင်ယာရီ စာအုပ်ရဲ့ သူလှန်ထားတဲ့ စာမျက်နှာကို ကျွန်တော့်ကို ပေးပြီး ဖတ်ခိုင်းပါတယ်။
အဲဒီစာမျက်နှာ အဟောင်းလေးမှာ အဖေလက်ရေးနဲ့ ရေးထားတာလေးကို ကျွန်တော် ဖတ်ကြည့်လိုက်တော့။
“ဒီနေ့
စကားတတ်ခါစ ကျုပ်သားလေးနဲ့အတူတူ ခြံထောင့်က ထိုင်ခုံလေးမှာ ထိုင်နေတုန်း
ကျီးကန်းတစ်ကောင်ကို မြင်တော့
အဲဒါဘာငှက်လဲလို့ နှစ်ဆယ့်ငါးကြိမ်တိတိ မေးခဲ့ပါတယ်
နှစ်ဆယ့်ငါးကြိမ်လုံးလုံး ကျီးကန်းလို့ ကျုပ် ဖြေခဲ့တယ် ..
သားကို စိတ်မတိုပါဘူး ..သားဟာ ကျုပ်အတွက်တော့ သိပ်ချစ်ဖို့ကောင်းတဲ့
ကလေးတစ်ယောက်ဖြစ်ခဲ့ပါတယ်”
_______________________________________________________________________
ကျွန်တော့်အဖေဟာ အခု မွန်ပြည်နယ်၊ ကျိုက်ထိုမှာလို့ သိရပါတယ်။ အသက်ကြီးတဲ့အထိ ပင်ပင်ပန်းပန်း အလုပ်လုပ်နေတုန်းပါ။ အဖေနဲ့သား မတွေ့တာကြာပေမယ့် အဖေပေးခဲ့တဲ့ အသိပညာတွေနဲ့ အသက်ရှင်နေသမျှ အဖေ့ကျေးဇူးတွေကို သားမမေ့ပါဘူးအဖေ။
အဖေ့ကို ကျွန်တော် ဒီစာလေးနဲ့ ဒီကနေပဲ ကန်တော့ဦးချလိုက်ပါတယ်။